U Cusentinu

U cusentinu è nu personaggio. All’aeroporto i Lamezia si lamenta ca ppi fare deci metri ti portanu curu pulman, quannu ppi fari dua passi ppe piazza Kennedy piglia i chiavi da machina e va biva u cafè aru Borromeo. Dopu tri ure parcheggia davanti i Due Fiumi e va joca na schedina. Milan: 1 fisso; Juve: X fisso; Inter: 2 fisso. Si ricoglia ara casa e trova a mugliera ca latania: “Addi cazzo si statu? Possibile ca nun fa na minchia tutta a santa iurnata! Ma chini cazzu ma fa fà! Ma chini cazzu ma fa fà a m’avvelenare u sangue!”. E ru cusentinu rispunna: “Ma nun mi cacà a minchia! A preparato ppe cena? Minati ca avimu ospite u cognato i Morcavallo oggi, oppure si juta a mi fa i corna e ti si scurdata? Aglio, olio e peperoncino? Rispunna, puttà!”. I vicini sentanu urla, zumpi, fuachi di tutti i tipi e vidanu u cusentinu ca escia da casa jestimannu a madonna. Trasa torna picchì se scurdatu i chiavi da machina; va piglia nu cafè, si fuma na sigaretta e va joca na scummissa ara Snai. Mentre passìa trova l’amici, si lamenta ca nun tena mai sordi e si lamenta i chiru curnutu i Monti e subito dopo i porta ara machina, nu BMW di chiri ca ppe ra madonna…

U cusentinu è nu personaggio. A duminica è du pallù e ru Cusenza e ra vita sua. U luni è nu cacamentu i cazzu, u marti na grattata i palle e via via fino a sabbato, quannu finalmente ammasuna d’a mamma ccu moglie, figli, cane, gatto, zii, nonni, bisnonni, trisavoli ppe ra ciambotta classica in famiglia. I vicini da mamma sentanu urla, zumpi, fischi, piatti ca si rumpanu, gente ca canta e ancunu ca jestima ppe ra machina rigata. A sira, u cusentinu si stinna supa u divanu, si guarda Amici e sogna.

U cusentinu sogna.